Сказ. Словазлучэнне

Граматычныя заданні

1. Выпішыце апавядальны сказ.

    На траве заіскрылася раса.

    Ці любіце вы збіраць грыбы?

    Раскажы мне, бабуля, казку.

2. У канцы сказаў пастаўце патрэбныя знакі прыпынку.

     На лузе вырасла высокая трава 

     Давайце пойдзем у грыбы 

    Што без вады плавае

3. Складзіце сказы з дадзеных слоў. Запішыце іх, устаўляючы ў словы прапушчаныя літары.

     Раку, дзядз..ка, пайшоў, на, Куз..ма, акун..коў, абед, на, налавіў, ён. 

4. Адкажыце на пытанні, ужываючы словы снежань, студзень. Адказы запішыце. Падкрэсліце ў іх галоўныя члены сказа.

       Як называецца першы месяц зімы?

      Як называецца першы месяц года?

      На чым катаюцца дзеці зімой?

5. З неразвітых сказаў утварыце развітыя, каб атрымаўся тэкст. Запішыце сказы, падкрэсліце у іх дзейнік і выказнік. Абазначце стрэлачкай сувязь паміж словамі.

       Надышло лета. Пячэ сонца. Расцвілі кветкі. Заспявалі птушкі.
6. Выпішыце спалучэнні слоў, якія з'яўляюцца словазлучэннямі.

• прыйшла вясна;
• цёплая вада;
• схілілася над ракой.

7. Запішыце сказ. Падкрэсліце дзейнік і выказнік. Выпішыце словазлучэнні.

     Над палямі нясецца звонкі спеў жаваранка.

8. Утварыце і запішыце словазлучэнні. Складзіце і запішыце сказ з адным са словазлучэнняў.

       Сябраваць (з кім?) ... .

        Ляцець (на чым?) ... .

       Накрыць (што?) ... .

       Падрыхтавацца (да чаго?) ... .

       Ласавацца (чым?) ... .

9. Са сказаў выпішыце словазлучэнні. 

       Школьны двор звініць дзіцячымі галасамі.

      На ўскрайку лесу расла старая сасна.
10. Дапоўні сказы. Запішы іх.
       Сказ, у якім паведамляецца пра падзеі, з'явы, называецца ... .
      Сказ, у якім выражаецца просьба, загад, парада, заклік да дзеяння, называецца ... .

       Сказ, у якім выражаецца пытанне, называецца ... . 
       (апавядальным, пытальным, пабуджальным)
11. Сярод запісаў выберы сказы. Запішы іх.

• Ад ракі пацягнула свежасцю.
• Заблішчэла расе трава срабрысты. 
• Прыйшла халодная восень.
• Плывуць небу па хмары.
• Яркае сонца ўзышло над лесам.
• На небе плавалі.
• Прачнуліся птушкі.
• На вершаліне сасны стукае дзяцел.

12. Выпішы спачатку апавядальны сказ, затым - пытальны, потым - пабуджальны.

• Дапамажы птушкам зімой.
• А ты зрабіў кармушку птушкам?
• Голадна птушкам зімой.

• Беражы і ахоўвай гэту прыгажосць!
• Кожная кветка прыгожая?
• Прырода надзяліла зямлю кветкамі.

13. Запішы сказы. У канцы кожнага пастаў патрэбны знак прыпынку.

• Хутка наступіць зіма
• Куды адлятаюць птушкі
• Вяртайцеся хутчэй
• Чаму восень залатая
• Давайце пойдзем у лес
• Там мы знойдзем адказ

14. З прапанаваных слоў складзі апавядальныя сказы. Запішы іх. Падкрэслі галоўныя члены сказа.

       Асенні, дрэў, зрываў, з, вецер, лісты.
       Пад, нашага, дахам, жывуць, дома, ластаўкі.